Xitay-rusiye herbiy manéwirining ikkinchi basquchi bashlandi


2005-08-21
Share

Xitay bilen rusiyining tunji qétimliq " tinchliq wezipisi -2005" namliq birleshme herbiy manéwiri 18-awghust küni rusiyining wladiwostok shehiri etrapida bashlan'ghandin kéyin, 20-awghust küni xitay térritoriyisige yötkilip, shendong ölkisining chingdaw etrapida manéwirining ikkinchi basquchi resmi bashlandi.

Bu qétimqi manéwirge rusiye bilen xitayning eng ilghar qorallar bilen qorallan'ghan, eng küchlük dep qaralghan serxil qoshunliri ishtirak qilghan bolup, déngiz, hawa we quruqluq qisimlirini asas qilghan.

21-Awghust küni rusiye we xitay parashotchi qisimlirining manéwiri élip bérilghan bolup, netijide, ikki dölet qoshunlirining herbiy téxnikisi we jeng sen'iti jehettiki perqliri roshen körün'gen. Rusiye metbu'atliri rusiye we xitay parashotchi qisimlirining perqliri heqqide xewer tarqatqan.

Bbs agéntliqining uchurigha qarighanda, rusiye parashotchi qisimlirining mexsus hujum üchün ishlitidighan mashiniliri hawadin muweppeqiyetlik halda yerge chüshürülgen bolsimu, emma xitay parashotchi qisimlirining hujum mashinisi yerge chüshürülüsh jeryanida parashot échilmay qélip, kukum-talqan bolup ketken. Uning üstige yene xitay parashotchiliri özliri bilen qoral almighan ehwal astida 800 métir égizliktin sekrep, nishan'gha chüshelmigen. Emma, rusiye parashotchiliri toluq qorallan'ghan halda 600 métirdin sekrep, del nishan'gha chüsheligen.

Herbiy ishlar mutexessisliri rusiye parashotchi qisimlirining xitay parashotchi qisimliridin qoral, maharet jehetlerde köp üstün ikenlikini séziwélishqan. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet