Bush we xu jintaw koriye yadro qoralliri tehditi mesilisi üstide téléfun söhbiti élip bardi


2006-07-06
Share

Xitay dölet re'isi xu jintaw peyshenbe küni, amérika prizidénti jorj W bush bilen téléfun söhbiti ötküzüp, nöwettiki koriye yadro qoralliri élip kélidighan xeter mesilisi üstide pikir almashturdi.

Amérika birleshme agéntliqining xewirige qarighanda, prizidént bush, amérika terepning hazir koriye yérim arilining weziyitidin endishe qiliwatqanliqini, koriye yérim arilini yadrosizlashturush , herqaysi döletlerning ortaq nishani bolup, amérika bu mesilide yenila tashqi diplomatiye yolliri arqiliq mezkür mesilini hel qilishni teshebbüs qilidighanliqini bildürgen.

Xitay xewer agéntliqining xewiride, xitayning, izchil türde koriye yérim arilining ténch we muqim bolushigha köngül bölüp kéliwatqanliqi tekitlen'gen, xitay xewer agéntliqi yene, prizidént bushning sözini neqil keltürüp, amérika terepning xitay teshebbüs qili'awatqan koriye yérim arilining ténch we muqimliqi üchün körsitiwatqan tirishchanliqini alahide teripleydighanliqini, xitay bilen bu jehettiki alaqini saqlap qélish ümidining barliqini bildürdi.

Bu arida yene, birleshken döletler teshkilati bixeterlik kéngishi yaponiyining koriye yadro qorallirini eyibleydighan qarar layihisi üstide jiddiy muzakire élip bérip, her qaysi döletlerdin , koriyini yadro qorallirini tereqqi qildurush üchün ishlitilidighan meblegh, üsküne we téxnika bilen teminleshni derhal toxtitishni telep qildi.

B d t, bixeterlik kéngishining mezkür qarar layihisi'i en'giliye, améirika qatarliq döletlerning qollishigha érishken bolsimu, biraq xitay bilen rusiye bu mesilisde yenila özlirining eslidiki pikirini saqlap qélish meydanini ipadilimekte. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet