Хитай дунядики итиварини қайтидин тикләш үчүн бәзи ширкәтләрни тақашқа башлиди


2007-07-21
Share

Америка вә яврупа иттипақиниң алий дәриҗилик һөкүмәт хадимлири, хитай таварлириниң бихәтәрлики мәсилсидә сөһбәт елип хитайни зиярәт қилишқа тәйярлиниватқан бир пәйттә, бейҗиң һөкүмити инсанларниң саламәтликигә зиянлиқ мәһсулатлар ишләп чиқарған кархана вә ширкәтләрни тақашқа башлиди.

Сиясий мулаһизичиләр, хитай һөкүмитиниң бу қарарини, хәлқара җамаәткә хитай експорт таварлириниң бихәтәрликигә капаләтлик қилиш мәсилсидә бейҗиң һөкүмитиниң җиддий икәнликини испатлаш һәрикитиниң бир қисими, дәп қаримақта.

яврупа иттипақиниң али дәриҗилик хадими меглина конива хитайда ишләпчиқирилған мәһсулатларниң бихәтәрлики мәсилисини сөзлишиш үчүн келәр һәптә хитайни зиярәт қилиду. Шундақла 31‏- июл күни бейҗиңда америка вәкилләр өмики билән хитай даирилири оттурисида бәш күн давамлишидиған сөһбәт башланмақчи.

Хәвәрләргә қариғанда, яврупа иттипақи вә америка вәкиллириниң хитай зиярити һарписида бейҗиң һөкүмити тәрипидин тақивитилгән ширкәтләрниң мәһсулатлири, панамада 94 кишиниң өлүмигә вә шимали америкида нурғунлиған өй һайванлириниң һалак бөлүшни кәлтүрүп чиқарған икән.

Бу арида хитай һөкүмити җүмә күни, бир нәччә хитай ширкити тәрипидин америкиға експорт қилинған деңиз мәһсулатлириға ишлитиши чәкләнгән химийиви маддиларниң арилаштурулғанлиқини итирап қилди. Лекин бейҗиң һөкүмити бу мәсилә тоғрисида бәргән изаһатида, америкиға деңиз мәһсулатлири експорт қилған бир қисим ширкәтләр һөкүмәт тәрипидин әнгә елинмиғанлиқи үчүн, һөкүмәтниң улар експорт қилған мәһсулатларни назарәт қилалмиғанлиқини илгири сүргән. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт