Xitay dunyadiki itiwarini qaytidin tiklesh üchün bezi shirketlerni taqashqa bashlidi


2007-07-21
Share

Amérika we yawrupa ittipaqining aliy derijilik hökümet xadimliri, xitay tawarlirining bixeterliki mesilside söhbet élip xitayni ziyaret qilishqa teyyarliniwatqan bir peytte, béyjing hökümiti insanlarning salametlikige ziyanliq mehsulatlar ishlep chiqarghan karxana we shirketlerni taqashqa bashlidi.

Siyasiy mulahizichiler, xitay hökümitining bu qararini, xelq'ara jama'etke xitay éksport tawarlirining bixeterlikige kapaletlik qilish mesilside béyjing hökümitining jiddiy ikenlikini ispatlash herikitining bir qisimi, dep qarimaqta.

Yawrupa ittipaqining ali derijilik xadimi méglina koniwa xitayda ishlepchiqirilghan mehsulatlarning bixeterliki mesilisini sözlishish üchün kéler hepte xitayni ziyaret qilidu. Shundaqla 31‏- iyul küni béyjingda amérika wekiller ömiki bilen xitay da'iriliri otturisida besh kün dawamlishidighan söhbet bashlanmaqchi.

Xewerlerge qarighanda, yawrupa ittipaqi we amérika wekillirining xitay ziyariti harpisida béyjing hökümiti teripidin taqiwitilgen shirketlerning mehsulatliri, panamada 94 kishining ölümige we shimali amérikida nurghunlighan öy haywanlirining halak bölüshni keltürüp chiqarghan iken.

Bu arida xitay hökümiti jüme küni, bir nechche xitay shirkiti teripidin amérikigha éksport qilin'ghan déngiz mehsulatlirigha ishlitishi cheklen'gen ximiyiwi maddilarning arilashturulghanliqini itirap qildi. Lékin béyjing hökümiti bu mesile toghrisida bergen izahatida, amérikigha déngiz mehsulatliri éksport qilghan bir qisim shirketler hökümet teripidin en'ge élinmighanliqi üchün, hökümetning ular éksport qilghan mehsulatlarni nazaret qilalmighanliqini ilgiri sürgen. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet