خىتاي 2007 ‏- يىلىدا سودا جەھەتتە چوڭ رىقابەتكە ئۇچرايدۇ


2007.01.03
Share on WhatsApp
Share on WhatsApp

ب ب س نىڭ خەۋەر قىلىشىچە، خىتاي پەنلەر ئاكادېمىيىسى خىتاينىڭ ئېكسپورت مىقدارى بۇ يىلمۇ داۋاملىق يۇقىرى ئۆرلەيدىغانلىقىنى، ئەمما خىتاي كەلگۈسى بىرنەچچە يىل ئىچىدە سودا جەھەتتە ناھايىتى چوڭ سۈركىلىشكە يۈزلىنىدىغانلىقىنى پەرەز قىلغان. خىتاينىڭ رەڭلىك تېلېۋىزور، كىيىم-كىچەك، ئاياق قاتارلىق مۇھىم مەھسۇلاتلىرى كۆپىنچە ھالدا تەرەققى قىلغان دۆلەتلەر بىلەن بولغان سودىدا سۈركىلىش پەيدا بولۇشقا سەۋەب بولىدىكەن.

خەۋەردە بايان قىلىنىشىچە، 2005 ‏- يىلىدا خىتاينىڭ ئامېرىكا بىلەن بولغان سودا مىقدارىدا ناھايىتى كۆپ قىزىل رەقەم چىقىپلا قالماستىن، ياۋروپا بىرلىكى بىلەن بولغان سودىدىمۇ 106 مىليارد يۇرو قىزىل رەقەم چىققان ئىدى. شۇڭلاشقا ياۋروپا بىرلىكى خىتايدىن ئىمپورت قىلىدىغان ئاياق كىيىملىرى ئۈچۈن 19% ئاشۇرۇپ باج ئېلىشنى قارار قىلغان. پەرەز قىلىنىشىچە، بۇنىڭدىن كېيىن خىتاي بىلەن تەرەققى قىلغان دۆلەتلەر ئوتتۇرىسىدىكى سودىدا كېلىپ چىقىدىغان سۈركىلىش بارغانسېرى چوڭىيىشى مۇمكىن. (ۋەلى)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.