Xitay sudan'gha 300 kishilik tinchliq saqlash qoshuni ewetidu


2007.11.21
Share on WhatsApp
Share on WhatsApp

Xitayning hazir chet'ellerde tinchliq saqlash üchün wezipe ötewatqan 1800 eskiri bar. U hazir b d t bixeterlik kéngishidiki besh da'imiy eza döletning ichide, fransiyidin qalsa chet'ellerge tinchliqni saqlash üchün köp esker ewetken ikkinchi chong dölet bolup qaldi.

Roytrs agéntliqining béyjingdin xewer qilishiche, xitay jüme küni yene sudan'gha 300 kishilik tinchliq saqlash qoshuni ewetidu.

Birleshken döletler teshkilati bixeterlik kéngishining emeldari guxénnoning bayan qilishiche, ötken 4 yil ichide darfur rayonida yüz bergen milliy qirghinchiliqta 200 ming adem hayatidin ayrildi, 2 milyon 500 ming adem yurtidin srtqa qéchip chiqip musapirchiliq azapini tartmaqta. Gerche darfur mesilisini hel qilish üchün 26 ming kishilik tinchliq saqlash qoshuni ewetish pilanlan'ghan bolsimu, emma hazir bu pilan orunlinishtin téxi köp yiraqta.

Xewerde bayan qilinishiche, xitay yéqinda tinchliq saqlash saqchilirigha herbiy telim bérish rasxotigha yene 100 milyon yu'en pul qoshqan. Xitay hökümiti buni muqimliqni saqlash üchün sélin'ghan meblegh dep ataydu. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.