Ху җиңтав йеңи йил нутуқида тәйвәнни агаһландурди


2004-12-31
Share

Хитай дөләт рәиси ху җинтав җүмә күни телевизор нутқи сөзләп, хитай пуқралириниң йеңи йилини тәбриклиди. Бирақ у нутуқида тәйвән мустәқилчилирини агаһландурған шундақла ислаһатни чоңқурлаштурушқа чақирған. У, "җоңго һөкүмитиниң муһим нишанлириниң бири, җоңгони тинч бирликкә кәлтүрүш," дәп көрсәткән. Ху җинтав, бир җоңго принсипи астида, тәйвән боғузи икки қирғиқи оттурисидики сөһбәтни һәр вақит әслигә кәлтүрүшкә болидиғанлиқини илгири сүргән. Шуниң билән биргә у , тәйвәндики мустәқиллиқ тәрәпдарлирини агаһландуруп, “ һәр қандақ кишиниң һәр қандақ усулда тәйвәнни җоңгодин бөлүп чиқип кетишигә йол қоюлмайду, дәп тәкитлигән.

Көзәткүчиләр, ху җинтавниң сөзи тәйвән президенти чен шүйбйәнгә қаритилған, дәп қаримақта. Хитай хәлқ қурултийи йеқинда "дөләтни парчилашқа қарши туруш" қануни чиқиридиғанлиқини елан қилған. Мутәхәссисләр, бу қанунниң тәйвәнгә қаритилғанлиқини илгири сүргән. Бирақ чоң қуруқлуқтики қанунчилар, "дөләтни парчилашқа қарши туруш" қануниниң уйғурлар билән тибәтләрни өз ичигә алидиған яки алмайдиғанлиқиға сот мәһкимилири қарар беридиғанлиқини илгири сүрмәктә. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт