Хитай тәйвәнниң мустәқиллиқиға қәтий йол қоймайдиғанлиқини тәкитлиди


2005.01.12

Хитай дөләт мудапиә министири сав гуаңчуән чаршәнбә күни америка һәрбий вәкилигә, бейҗиң һөкүмитиниң тәйвәнниң мустәқилиқиға қәтий йол қоймайдиғанлиқини билдүрди.

Франсийә ахбарат агентлиқиниң хәвиригә қариғанда, сав гуаңчүән бейҗиңда зиярәттә боливатқан америка дөләт мәҗлиси қораллиқ қисим комитетиниң вәкилләр өмикигә "биз хитайлар тәйвәнниң мустәқиллиқини нишанлиған һәрқандақ бир хилдики паалийәтләргә қәтий қарши туримиз" дәп билдүргән.

Сав гуаңчуән сөзидә йәнә, һәрқандақ бирсиниң тәйвәнни хитайдин айришиға йол қоялмайдиғанлиқини әскәртип, хитайниң икки қирғақниң тинч йол билән бирлишишини истәштә һәрқандақ бәдәл төләштин янмайдиғанлиқини тәкитлиди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.