Xitay rehberliri teywenni bir junggo prinsipini étirap qilishqa ündidi


2005.01.28
Share on WhatsApp
Share on WhatsApp

Xitay siyasi meslihet kéngishining re'isi jya chinglin, jüme küni teywen mesilisi boyiche béyjingdiki xelq sariyida chaqirilghan yighinda söz qilip, teywende hakimiyet béshidiki démokratiye tereqqiyat partiyisi musteqilliqtin waz kechse, béyjing teywen da'iriliri bilen söhbet ötküzüshni xalaydu, dep körsetti.

Xelq sariyidiki yighin jang zéminning teywen mesilisi heqqidiki 8 nuqtiliq teklipi élan qilin'ghanliqining 10 yilliqi munaswi'iti bilen chaqirilghan. Jya chinglin teywen prézidénti chén shüybyenning teywen asasi qanunigha özgertish kirgüzüsh pilanini tenqid qilip, “teywen da'iriliri asasi qanun'gha özgertish kirgüzüsh arqiliq teywenning qanun jehettiki musteqilliqini ishqa ashurmaqchi,” dep körsetken. Jya chinglinning bildürüshiche, xitay hökümiti bu ehwalgha hergiz taqet qilip turalmaydiken.

Amma chén shüybyen teywen asasi qanun'gha özgertish kirgüzüsh pilani hökümet mixanizimini yaxshilash bolup, teywen boghuzining hazirqi halitini özgertishke qaritilmighan, dep aqlimaqta. Jya chinglin, " eger démokratiye tereqqiyat partiyisi teywen musteqilliq prinsipidin waz kéchip, bölgünchilik herikitini toxtatsa, béyjing terep ijabiy inkas qayturushni shundaqla öz ara uchrushishni xalaydu", dep tekitligen.

Shu küni teywen chong quruqluq komitéti bayanat élan qilip, béyjing da'irilirini jang zéminning 8 nuqtiliq teklipining kölenggüsidin qutulup, teywen boghuzi ikki qirghiqining munaswitige yéngi tesewwur bilen yüzlinishke ündidi.(Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.