Хитай тәйвәнниң дөләт бихәтәрлик доклатини әйиблиди


2006.05.31

Хитай һөкүмити чаршәнбә күни тәйвәнниң хитайни тәһдит дәп көрсәткән дөләт бихәтәрлик доклатини әйибләп, бу икки тәрәпниң тинчлиқиға бузғунчилиқ қилидиған доклат дәп көрсәтти.

Тәйвән һөкүмитиниң 20‏- май күни елан қилған 155 бәтлик дөләт бихәтәрлик доклатида, хитайниң тәйвән үчүн бир тәһдит икәнлики көрситилип, икки тәрәп арисиға һәрбийсиз район бәрпа қилиш вә хитайниң тәйвәнгә тоғрилиған бомбилирини йоқитиш тәләплири оттуриға қоюлған.

Хитайниң тәйвән ишлири ишханисиниң баянатчиси ли веййи, " бу доклат икки қирғақтики хәлқләрниң арисиға тосақ қоюп, улар оттурисида маҗира пәйда қилишқа қутритиду" деди. У йәнә, буниң йәнила тәйвән президенти чен шүйбйәнниң мустәқиллиқ йолидики тиришчанлиқи икәнликини, униң икки тәрәп оттурисидики тинчлиқ вә муқимлиқни бузушни мәқсәт қиливатқанлиқини билдүрди.

Тәйвән даирилири хитайниң нәччә йүзлигән башқурилидиған бомбилирини тәйвәнгә қаритип тоғрилап қойғанлиқини һәмдә бу бомбиларниң санини йилиға 100 данидин ашуриватқанлиқини тәкитлимәктә. Хитай тәрәп болса, әгәр тәйвән мустәқиллиқ йолини издисә қорал күчи ишлитишитин баш тартмайдиғанлиқини билдүрмәктә. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.