Xitay teywenning dölet bixeterlik doklatini eyiblidi

Xitay hökümiti charshenbe küni teywenning xitayni tehdit dep körsetken dölet bixeterlik doklatini eyiblep, bu ikki terepning tinchliqigha buzghunchiliq qilidighan doklat dep körsetti.

Teywen hökümitining 20‏- may küni élan qilghan 155 betlik dölet bixeterlik doklatida, xitayning teywen üchün bir tehdit ikenliki körsitilip, ikki terep arisigha herbiysiz rayon berpa qilish we xitayning teywen'ge toghrilighan bombilirini yoqitish telepliri otturigha qoyulghan.

Xitayning teywen ishliri ishxanisining bayanatchisi li wéyyi, " bu doklat ikki qirghaqtiki xelqlerning arisigha tosaq qoyup, ular otturisida majira peyda qilishqa qutritidu" dédi. U yene, buning yenila teywen prézidénti chén shüybyenning musteqilliq yolidiki tirishchanliqi ikenlikini, uning ikki terep otturisidiki tinchliq we muqimliqni buzushni meqset qiliwatqanliqini bildürdi.

Teywen da'iriliri xitayning nechche yüzligen bashqurilidighan bombilirini teywen'ge qaritip toghrilap qoyghanliqini hemde bu bombilarning sanini yiligha 100 danidin ashuriwatqanliqini tekitlimekte. Xitay terep bolsa, eger teywen musteqilliq yolini izdise qoral küchi ishlitishitin bash tartmaydighanliqini bildürmekte. (Peride)