Xitay, tajikistan bilen iqtisadiy hemkarliqini kücheytmekte

Tengritagh torida ashkarilinishiche, tajikistanda ziyarette boluwatqan xitay bash ministiri wén jyabaw, tajikistan prézidénti raxmanof bilen birlikte shinjang alahide transformator pay cheklik shirkitining tajikistandiki 500 kilowoltluq yuqiri bésimliq özgirishchan tok chiqirish éléktir qurulushi türining ish bashlash murasimida linta kesken.

Xewerdin melum bolushiche, bu qurulushni 6 ‏- ayning 14 ‏- küni shangxey hemkarliq teshkilatigha eza döletler bashliqliri uchrishishida xitay bilen tajikistan birlikte imzalighan bolup, mezkur qurulushni püttürüsh üchün 340 milyon amérika dolliri ketken.

Buningdin sirt xitay - tajikistan chégrisidiki qara su porti bu yil 5 ‏- ayning 16 - küni échiwitilgendin béri, Uyghur aptonom rayonida ishlen'gen toqulma buyumliridin 95. 861 Tonna ékisport qilin'ghan.

Xitay, shangxey teshkilatigha eza döletler bilen iqtisadiy hemkarliqni kücheytipla qalmay, mezkur döletler bilen birlikte térrorchiliqqa zerbe bérish kürishini birlikte élip bérish hemkarliqi tüzdi shuningdek Uyghurlarning erkinlikini qolgha keltürüsh yolida pa'aliyet élip bériwatqan teshkilat we shexslerni térror teshkilati we térrorchi dep eyiblep, ularni jazalash heqqide bu döletlerge alahide imtiyaz berdi.

Özbékistan, kanada puqrasi Uyghur hüseyin jélilni xelq'ara teshkilatlarning naraziliq bildürüshige qarimay xitaygha tapshurup berdi. (Eqide)