Xitay chén shüybyen'ge herbiy manéwir bilen jawab bermekchi


2006.03.03

Teywen prézidénti chén shüybyen döletni birlikke keltürüsh programmisini toxtatqandin kéyin, xitay hökümiti jüme küni qoralliq qisimlarning birleshme herbiy manéwiri élip barghanliqini jakarlidi. Xitay tor betliri manéwirni qoralliq qisimlarning "chén shüybyen'ge qayturma zerbe bérish" yolidiki herbiy küresh teyyarliqi", dep atighan.

Azatliq armiye géziti" gu'angju, shényang, chéngdu we béyjing qatarliq herbiy rayonlirida 3 xil armiyining birleshme herbiy manéwiri élip bérilghanliqini xewer qildi. Shényang herbiy rayonida xitayning 2 - topchi qisimliri manéwirgha qatnashqan. Chéngdu herbiy rayonida hawa armiye we yerdin hawagha qoyup bérilidighan bashqurulidighan bomba meshiqi élip bérildi. Béyjing herbiy rayonida urush ayrupilanliri we hawa mudapi'e qisimlirining manéwiri ötküzülgen.

Shangxeyde chiqidighan xitay tor betliri manéwirni junggoning teywen prézidénti chén shüybyen'ge qarshi "yumshaq we qattiq" wastilarni ishqa sélish taktikisining bir qisimi, dep körsetti. Xitay dölet re'isi xu jingtaw, 2 - ayning 28 - küni chén shüybyenning döletni birlikke keltürüsh programmisini bikar qilish herikitini " teywen musteqilliqi yolidiki xeterlik qedem", dep agahlandurghan idi.

Shinxu'a axbarat agéntliqining xewer qilishiche, xitay merkizi herbiy ishlar komitétining mu'awin re'isi shüy seyxu yéqinda nenjing herbiy rayonini ziyaret qilip, qoralliq qisimlarni herbiy küreshning her xil teyyarliqini kücheytishke we yéngi dewrdiki tarixiy wezipini ada qilishqa chaqirghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.