Teywen hökümitining dunya sehiye teshkilatigha eza bolush telipi xitay hökümitini bi'aram qilmaqta

Teywen hökümitining dunya sehiye teshkilatigha eza bolush üchün heriketke ötüshi xitay hökümitining qattiq tenqidige uchridi. Teywen hökümiti ötken hepte dunya sehiye teshkilatigha eza bolush üchün murajet qilghan idi. Xitay hökümiti düshenbe küni bayanat élan qilip, teywen musteqil bir dölet bolmighanliqi üchün b d t ning bir orginigha eza bolush hoquqi yoq dep kürsetti.

Teywen, sars we qush zukimi qatarliq jiddiy késelliklerge qarshi turush üchün dunya sehiye teshkilatigha eza bolushi kéreklikini bayan qilmaqta. Prézidént chin shüybyen ötken hepte shiwitsariyining merkizi jenwe shehiridiki dunya sehiye teshkilatigha bir xet ewetip, teywenning bu teshkilatqa qobul qilinishini telep qilghan.

Xitay tashqi ishlar minstirliqining bayanatchisi chin gang düshenbe küni élan qilghan bayanatida, dunya sehiye teshkilati b d t ning bir idarisi bolup, bu teshkilatqa peqet musteqil döletler eza bolalaydu. Teywen musteqil bir dölet bolmighanliqi üchün, uning bu teshkilatqa eza bolush hoquqi yoq dep, körsetken. (Omer qanat)