Хитай, сант лукиа билән тәйвәнниң дипломатик мунасивәт орнитиш пиланини әйиблиди


2007-04-26
Share

Сант лукиа тәйвән билән очуқ дипломатик мунасивәт орнитиш пиланини оттуриға қойған болуп, уларниң бу пилани хитайниң қаттиқ наразилиқини қозғиди. Бейҗиң һөкүмити, карип деңиз қолтуғидики дөләтләр чоқум бир хитай һакимийитини етирап қилиши керәкликини әскәртти.

Шу җай вақти пәйшәнбә күни, хитай ташқи ишлар министирлиқи баянатчиси лю җйәнчяв: "дуняда пәқәт бирла хитай бар. Тәйвән болса хитайниң айрилмас тәркиби қисми. Сант лукиа пәқәт бейҗиңнила етирап қилимиз дегән вәдисини ақлиши керәк дегән.

Бирләшмә агентлиқиниң 26 ‏- април бәргән хәвиридә билдүрүшичә, сант лукиа ташқи ишлар министири, руфус боусқуәт сәйшәнбә күни сант лукианиң тәйвән билән дипломатик алақә орнитиш арзусини ипадилигән иди.

1949 - Йилидики ички уруштин кийин тәйвән билән хитай айрилип кәткән болуп, коммунист хитай һөкүмити тәйвәнни өз зиминиз дәп қарап, тәйвәнниң башқа дөләтләр билән дипломатик мунасивәт орнитиш һоқуқи йоқ дәп кәлгән иди. "Тәйвән һөкүмити хитайни парчилаш паалийәтлири билән изчил шуғуллинип кәлди, ‏- дәйду хитай ташқи ишлар министирлиқи баянатчиси лю җйәнчяв, ‏- биз ана вәтәнниң парчилинишиға қаттиқ қарши. Бундақ урунушлар мәңгү нәтиҗигә еришәлмәйду." (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт