Xitay, sant luki'a bilen teywenning diplomatik munasiwet ornitish pilanini eyiblidi


2007-04-26
Share

Sant luki'a teywen bilen ochuq diplomatik munasiwet ornitish pilanini otturigha qoyghan bolup, ularning bu pilani xitayning qattiq naraziliqini qozghidi. Béyjing hökümiti, karip déngiz qoltughidiki döletler choqum bir xitay hakimiyitini étirap qilishi kéreklikini eskertti.

Shu jay waqti peyshenbe küni, xitay tashqi ishlar ministirliqi bayanatchisi lyu jyenchyaw: "dunyada peqet birla xitay bar. Teywen bolsa xitayning ayrilmas terkibi qismi. Sant luki'a peqet béyjingnila étirap qilimiz dégen wedisini aqlishi kérek dégen.

Birleshme agéntliqining 26 ‏- april bergen xewiride bildürüshiche, sant luki'a tashqi ishlar ministiri, rufus bo'usqu'et seyshenbe küni sant luki'aning teywen bilen diplomatik alaqe ornitish arzusini ipadiligen idi.

1949 - Yilidiki ichki urushtin kiyin teywen bilen xitay ayrilip ketken bolup, kommunist xitay hökümiti teywenni öz ziminiz dep qarap, teywenning bashqa döletler bilen diplomatik munasiwet ornitish hoquqi yoq dep kelgen idi. "Teywen hökümiti xitayni parchilash pa'aliyetliri bilen izchil shughullinip keldi, ‏- deydu xitay tashqi ishlar ministirliqi bayanatchisi lyu jyenchyaw, ‏- biz ana wetenning parchilinishigha qattiq qarshi. Bundaq urunushlar menggü netijige érishelmeydu." (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet