Ху җинтав билән җорҗ буш телефонда тәйвән мәсилиси үстидә музакирә елип барди


2007-12-06
Share

Хитай дөләт рәиси ху җинтав 6 ‏- декабир күни америка президенти җорҗ буш билән телефун арқилиқ сөһбәтлишип, тәйвән мәсилиси һәққидә тохталди.

Сөһбәт җәрянида ху җинтав бушқа " : тәйвән мәсилиисни бир тәрәп қилишқа маһир болуш, америка вә хитай мунасивитиниң муқим вә сағлам тәрәққи қилишиға капаләтлик қилишқа бивастә мунасивәтлик" дегән.

Президент буш болса ху ниң сөзигә җавабән ": америка - хитай мунасивити интайин муһим, америка тәрәп бу мәсилигә алаһидә көңүл бөлиду, америка җуңгу билән тәйвән мәсилиси үстидә һәмкарлиқни сақлайду" дәп билдүргән.

Америка өзиниң тәйвән билән рәсмий йосунда ташқи дипломатик мунасивити йоқлуқини етирап қилиду, бирақ америка тәйвәнни қорал билән тәминләйдиған асаслиқ дөләт болуп, америкиниң тәйвән мунасивәтлири қануни буйичә, әгәр тәйвән һуҗумға учриса америкиниң тәйвәнни қоғдашқа һәмкарлишиш мәҗбурийити бар.

Хитай тәйвән " мүстәқиллиқ " ни җакарлиса, тәйвәнгә қарита қораллиқ һуҗум башлайдиғанлиқи һәққидә тәһдит селип кәлмәктә. Тәйвән президенти чен шүйбйән бу һәқтә " тәйвәнниң мустәқил болуш ‏- болмаслиқини тәйвәндики 23 милйон хәлқ бәлгиләйду" дегән ипадисидә чиң турмақта. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт