جەنۇبىي سپراتلى تاقىم ئاراللىرىدا تەيۋەننىڭ ئايرودروم قۇرغانلىقى خىتاينى غەزەبلەندۈردى


2008-01-30
Share

خەلقئارادا سپراتلى تاقىم ئاراللىرى دەپ ئاتىلىدىغان ئاراللارنىڭ بىرى بولغان، كوممۇنىست خىتاي ئۆزىنىڭ ئىگىلىك ھوقۇقى بارلىقىنى جاكارلاپ كېلىۋاتقان جەنۇبىي تاقىم ئارىلىدا، تەيۋەن بىر ئايرودروم ياسىغان.

ب ب س نىڭ بايان قىلىشىچە، تەيۋەن تاشقى ئىشلار مىنىستىرى تىنچ ئوكياندىكى سپراتلى تاقىم ئاراللىرىنىڭ ئىچىدە ئەڭ چوڭ ۋە بايلىق مەنبەلىرى ئەڭ مول دەپ ھېسابلىنىدىغان جەنۇبىي تاقىم ئاراللىرىدا قۇرغان بۇ ئايرودرومنى تەيۋەننىڭ ھاۋا قىسىم بازىسى دەپ ئاتىغانلىقى ۋە بۇ تاقىم ئاراللىرىنىڭ ئەتراپىدىكى مىڭ كىلومېتىر دېڭىز تەۋەلىكىنى تەيۋەننىڭ تىنچ ئوكياندىكى دېڭىز تاشپاقىسىنى قوغداش رايونى دەپ ئېلان قىلغانلىقى كوممۇنىست خىتاي ھۆكۈمىتىنىڭ غەزىپىنى قوزغىماقتا.

خەۋەردە بايان قىلىنىشىچە، 1988 ‏- يىلى خىتاي بىلەن ۋيېتنام ئوتتۇرىسىدا سپراتلى تاقىم ئاراللىرىنىڭ ئىگىلىك ھوقۇقى مەسىلىسى تۈپەيلىدىن كىچىك دائىرىلىك ھەربىي توقۇنۇش يۈز بەرگەن ئىدى. يېقىندا يەنە، خىتاي ھۆكۈمىتى بۇ سپراتلى تاقىم ئاراللىرىنىڭ ئۈچىلىسىنى ئىدارە قىلىدىغان بىر شەھەر تەسىس قىلغاندا، ۋېيتنامدا بۇنىڭغا قارشى چوڭ كۆلەملىك نامايىش قوزغالغان ئىدى.

بۇ ئاراللارغا قارىتا مالايشىيا قاتارلىق دۆلەتلەرمۇ ئۆزىنىڭ ئىگىلىك ھوقۇقى بارلىقىنى جاكارلاپ كەلمەكتە.(ۋەلى)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت