Xitayning shentu shehiride yüz bergen saqchilar bilen puqralar arisidiki toqunushta bir adem öldi


2006-04-13
Share

Xongkong metbu'atlirining xewer qilishiche, xitayning gu'angdung ölkisi shento shehiridiki boméy kentide charshenbe küni saqchilar bilen puqralar otturisida toqunush yüz bérip, bir ayal kent puqrasi saqchilar atqan yash aqquzush bombisida yarilinip öldi. Texminen 4 mingdek kent puqrasi hökümet da'irilirining bir jüp qowuqni chéqiwetmekchi bolghanliqigha qarshi chiqqandin kéyin saqchilar bilen toqunushüp qalghan. Saqchilar namayishchilargha yash aqquzush bombisi atti we yuqiri bésimliq su chachti. Bu jeryanda 30 yashlardiki bir ayalning saqchilar atqan yash aqquzush bombisida bash qisimidin éghir yarilan'ghandin kéyin ölgenliki bildürüldi. B b s, toqunush jeryanida az dégende 10 kishining yarilan'ghanliqini xewer qildi.

Radi'omizning weqeni öz közi bilen körgüchilerdin igilishiche, hökümet da'iriliri weqeni basturushqa 3000 dek saqchini seperwer qilghan. Xitay hökümiti junggoda " sotsiyalistik inaq jem'iyet" qurudighanliqini we dihqanlar mesilisige köngül bölidighanliqini jakarlighan bolsimu, lékin bu yézilarda hökümet da'iriliri bilen puqralar otturisidiki toqunushni tinjitalmidi.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet