Сәндуңда туңганлар билән хитайлар арисида тоқунуш йүз берип бир адәм өлди
2007.09.04
8 - Айниң оттурилири сәндоңниң шимав йезисида туңганлар билән хитайлар оттурисида тоқунуш йүз бәргән. Америка авази радиосиниң әһвалдин хәвәрдар хоңкоң кишилик һоқуқ тәшкилати хадимлириниң баянини нәқил кәлтүрүшичә, бу тоқунушта аз дегәндә бир адәм өлгәндин башқа йигирмә нәччә адәмниң ярилинишидәк еғир ақивәт келип чиққан.
Вәқә йүз бәргән шимав йезиси туңганларниң олтурақлашқан шаңхе наһийиси билән чегрилинидиған җай болуп , 17 - авғуст күни бир туңган яш шимав йезисидики базарда оғрилиқ қиливатқанда байқилип қелип , бир қанчә йәрлик хитайдин қаттиқ таяқ йәп яриланған. Бу туңган яшниң юртдашлири, урғучи хитайлардин өч елиш мәқситидә шимав кәнтигә барғинида тоқунуш келип чиққан икән.
Гәрчә бу тоқунушта бир адәмниң өлгәнлики мәлум болған болсиму, өлгүчиниң хитай яки туңганлиқи ениқ әмәс икән. Йәрлик амминиң билдүрүшигә қариғанда , вәқә йүз бәргән пәйттә кочилар йезилиқ һөкүмәт тәрипидин қамал қилинған һәмдә тоқунушниң чоңийип кетишиниң алдини елип җиддий тинҗитилған .
Америка бирләшмә ахбаратиниң бу һәқтә бәргән хәвиридә көрситишичә, хитай даирилири адәттә миллий тоқунушлар тоғрилиқ хәвәр елан қилмайду . Шуңа бу қетим сәндуңда йүз бәргән адәм өлүштәк еғир ақивәт келип чиққан вәқәму ахбарат йүзигә чиқмиған .
Америка авази радиосиниң хәвиридә тәкитлишичә, 2000 - йили 12 - айда шәндуңниң юңшин наһийиси хелю базирида бир чошқа гөши сатидиған дукан " һалал чошқа гөши" дегән вивискини есип тиҗарәт қилғанлиқи сәвәблик йәрлик туңганлар билән хитайлар арисида йәнә мушуниңға охшаш еғир миллий тоқунуш йүз бәргән икән. (Гүлчеһрә)
Мунасивәтлик мақалилар
- Тйәнәнмин оқуғучилар һәрикитигә қатнашқан 100 нәпәр әтрапида сиясий паалийәтчи техичә түрмидә
- Хитайда наразилиқ һәрикәтлири изчил түрдә йүз бәрмәктә
- Хитай һөкүмитиниң шәндоң өлкисидә йүз бәргән көмүр кан вәқәсини тәбиий апәт дәп көрситиши наразилиқ қозғиди
- Шәндоңдики икки чоң бихәтәр ишләпчиқириш вәқәсидә еғир өлүм йетим көрүлди
- Хитай һөкүмити тйәнәнмин вәқәсидики намайишчини 18 йилдин кейин қоюп бәрди
- Муһит булғинишидин хитайда һәр йили йүз миңлиған адәм өлмәктә
- Ху җинтав 1 - июл күни хоңкоңда намайиш башлиништин бурун бейҗиңға қайтидикән
- Сичүән өлкисидә миңдин артуқ амма вә оқуғучилар бирликтә намайиш қилди
- Ички моңғулда 5 миңдин артуқ хәлқ аммиси сақчилар билән тоқунушти
Көп көрүлгән хәвәрләр
RFA
- Шинҗаң һөкүмити йеқинда тәмбур чалған уйғур қизниң видийосини тартқан хитай сәнәткарни җазалиған
- Хитай һөкүмити уйғур сәнәткарларни явропада оюн қойғузуп уйғур ирқий қирғинчилиқини ююшқа урунған дәп әйибләнмәктә
- Әркин асия радийоси уйғур бөлүми: хитайниң уйғурлар үстидики шәпқәтсиз һөкүмранлиқиниң зулмәтлирини йерип өткүчи нур
- Уйғур кишилик һоқуқ қурулуши хәлқаралиқ меһманхана зәнҗирлириниң уйғур районида кеңийиватқанлиқини әйибләп доклат елан қилди
- Хитайниң америка билән сода урушини давамлаштуриши өзиниң иқтисадиға зор қийинчилиқ елип келидикән