Sendungda tungganlar bilen xitaylar arisida toqunush yüz bérip bir adem öldi
2007.09.04
8 - Ayning otturiliri sendongning shimaw yézisida tungganlar bilen xitaylar otturisida toqunush yüz bergen. Amérika awazi radi'osining ehwaldin xewerdar xongkong kishilik hoquq teshkilati xadimlirining bayanini neqil keltürüshiche, bu toqunushta az dégende bir adem ölgendin bashqa yigirme nechche ademning yarilinishidek éghir aqiwet kélip chiqqan.
Weqe yüz bergen shimaw yézisi tungganlarning olturaqlashqan shangxé nahiyisi bilen chégrilinidighan jay bolup , 17 - awghust küni bir tunggan yash shimaw yézisidiki bazarda oghriliq qiliwatqanda bayqilip qélip , bir qanche yerlik xitaydin qattiq tayaq yep yarilan'ghan. Bu tunggan yashning yurtdashliri, urghuchi xitaylardin öch élish meqsitide shimaw kentige barghinida toqunush kélip chiqqan iken.
Gerche bu toqunushta bir ademning ölgenliki melum bolghan bolsimu, ölgüchining xitay yaki tungganliqi éniq emes iken. Yerlik ammining bildürüshige qarighanda , weqe yüz bergen peytte kochilar yéziliq hökümet teripidin qamal qilin'ghan hemde toqunushning chongiyip kétishining aldini élip jiddiy tinjitilghan .
Amérika birleshme axbaratining bu heqte bergen xewiride körsitishiche, xitay da'iriliri adette milliy toqunushlar toghriliq xewer élan qilmaydu . Shunga bu qétim sendungda yüz bergen adem ölüshtek éghir aqiwet kélip chiqqan weqemu axbarat yüzige chiqmighan .
Amérika awazi radi'osining xewiride tekitlishiche, 2000 - yili 12 - ayda shendungning yungshin nahiyisi xélyu bazirida bir choshqa göshi satidighan dukan " halal choshqa göshi" dégen wiwiskini ésip tijaret qilghanliqi seweblik yerlik tungganlar bilen xitaylar arisida yene mushuninggha oxshash éghir milliy toqunush yüz bergen iken. (Gülchéhre)
Munasiwetlik maqalilar
- Tyen'enmin oqughuchilar herikitige qatnashqan 100 neper etrapida siyasiy pa'aliyetchi téxiche türmide
- Xitayda naraziliq heriketliri izchil türde yüz bermekte
- Xitay hökümitining shendong ölkiside yüz bergen kömür kan weqesini tebi'iy apet dep körsitishi naraziliq qozghidi
- Shendongdiki ikki chong bixeter ishlepchiqirish weqeside éghir ölüm yétim körüldi
- Xitay hökümiti tyen'enmin weqesidiki namayishchini 18 yildin kéyin qoyup berdi
- Muhit bulghinishidin xitayda her yili yüz minglighan adem ölmekte
- Xu jintaw 1 - iyul küni xongkongda namayish bashlinishtin burun béyjinggha qaytidiken
- Sichüen ölkiside mingdin artuq amma we oqughuchilar birlikte namayish qildi
- Ichki mongghulda 5 mingdin artuq xelq ammisi saqchilar bilen toqunushti