خىتاي تۈركمەنىستانغا 300 مىليون ئامېرىكا دوللار قەرز پۇل بەردى


2006-08-30
Share

تۈركمەنىستان ئاخبارات ۋاسىتىلىرىنىڭ مەلۇم قىلىشىچە، تۈركمەنىستان پرېزىدېنتى سەپەرمۇرات نىيازوف بۇيرۇق چۈشۈرۈپ، تۈركمەنىستان بانكىلىرىنىڭ خىتاي بانكىلىرى بىلەن قەرز پۇل ئېلىش كېلىشىمىنى تۈزۈشكە يول قويغان. بۇ مۇناسىۋەت بىلەن خىتاي تۈركمەنىستانغا ئالاھىدە ئېتىبار بىلەن 300 مىليون ئامېرىكا دوللىرى قەرز پۇل بەرگەن.

خىتاي بۇ قەرز پۇللارنى يۇقىرى ئېتىبار بىلەن بەرگەن بولۇپ، ئۇنىڭ مۇددىتى 20 يىل، يىللىق ئۆسۈمى 3% ئىكەن. تۈركمەنىستان پرېزىدېنتلىق ئاخبارات ئىشخانىسى، بۇ پۇللارنىڭ قىرغىزىستاندىكى " مارازوت" بىرلەشمە شىركىتىنىڭ ئۆزگەرتىپ قۇرۇلىشىغا ھەمدە بىر ئەينەك زاۋۇتى قۇرۇشقا ئىشلىتىلىدىغانلىقىنى مەلۇم قىلغان.

شۇنداقلا بۇ پۇللارنىڭ قىرغىزىستاننىڭ مىنېرال ئوغۇت ۋە ئەينەك مەھسۇلاتلىرىغا بولغان ئېھتىياجىنى قاندۇرۇشتا مۇھىم رول ئوينايدىغانلىقىنى بىلدۈرگەن. تۈركمەنىستان پرېزىدېنتى سەپەرمۇرات نىيازوف بۇ يىل 4‏-ئايدا خىتاينى زىيارەت قىلىپ، خىتاي بىلەن ئۇيغۇر مۇستەقىللىقىنى تەلەپ قىلىدىغان شەرقىي تۈركىستان كۈچلىرىگە ئورتاق زەربە بېرىش كېلىشىمىنى تۈزگەن ئىدى.

نىيازوف بىلەن خۇ جىنتاۋ ئارىسىدا تۈزۈلگەن بۇ كېلىشىمدە، "ئىككى دۆلەت شەرقىي تۈركىستان كۈچلىرىگە قارشى كۆرەشنى، دۇنيا تېرروچىلىقىغا قارشى كۈرەشنىڭ بىر قىسمى دەپ قارايدۇ" دېيىلگەن. (پەرىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت