Хитай түркмәнистанға 300 милйон америка доллар қәрз пул бәрди

Түркмәнистан ахбарат васитилириниң мәлум қилишичә, түркмәнистан президенти сәпәрмурат ниязоф буйруқ чүшүрүп, түркмәнистан банкилириниң хитай банкилири билән қәрз пул елиш келишимини түзүшкә йол қойған. Бу мунасивәт билән хитай түркмәнистанға алаһидә етибар билән 300 милйон америка доллири қәрз пул бәргән.

Хитай бу қәрз пулларни юқири етибар билән бәргән болуп, униң муддити 20 йил, йиллиқ өсүми 3% икән. Түркмәнистан президентлиқ ахбарат ишханиси, бу пулларниң қирғизистандики " маразот" бирләшмә ширкитиниң өзгәртип қурулишиға һәмдә бир әйнәк завути қурушқа ишлитилидиғанлиқини мәлум қилған.

Шундақла бу пулларниң қирғизистанниң минерал оғут вә әйнәк мәһсулатлириға болған еһтияҗини қандурушта муһим рол ойнайдиғанлиқини билдүргән. Түркмәнистан президенти сәпәрмурат ниязоф бу йил 4‏-айда хитайни зиярәт қилип, хитай билән уйғур мустәқиллиқини тәләп қилидиған шәрқий түркистан күчлиригә ортақ зәрбә бериш келишимини түзгән иди.

Ниязоф билән ху җинтав арисида түзүлгән бу келишимдә, "икки дөләт шәрқий түркистан күчлиригә қарши көрәшни, дуня террочилиқиға қарши күрәшниң бир қисми дәп қарайду" дейилгән. (Пәридә)