Xitay türkmenistan'gha 300 milyon amérika dollar qerz pul berdi


2006-08-30
Share

Türkmenistan axbarat wasitilirining melum qilishiche, türkmenistan prézidénti sepermurat niyazof buyruq chüshürüp, türkmenistan bankilirining xitay bankiliri bilen qerz pul élish kélishimini tüzüshke yol qoyghan. Bu munasiwet bilen xitay türkmenistan'gha alahide étibar bilen 300 milyon amérika dolliri qerz pul bergen.

Xitay bu qerz pullarni yuqiri étibar bilen bergen bolup, uning mudditi 20 yil, yilliq ösümi 3% iken. Türkmenistan prézidéntliq axbarat ishxanisi, bu pullarning qirghizistandiki " marazot" birleshme shirkitining özgertip qurulishigha hemde bir eynek zawuti qurushqa ishlitilidighanliqini melum qilghan.

Shundaqla bu pullarning qirghizistanning minéral oghut we eynek mehsulatlirigha bolghan éhtiyajini qandurushta muhim rol oynaydighanliqini bildürgen. Türkmenistan prézidénti sepermurat niyazof bu yil 4‏-ayda xitayni ziyaret qilip, xitay bilen Uyghur musteqilliqini telep qilidighan sherqiy türkistan küchlirige ortaq zerbe bérish kélishimini tüzgen idi.

Niyazof bilen xu jintaw arisida tüzülgen bu kélishimde, "ikki dölet sherqiy türkistan küchlirige qarshi köreshni, dunya térrochiliqigha qarshi küreshning bir qismi dep qaraydu" déyilgen. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet