Xitay -türkmenistandin néfit gazi import qilish gaz turuba qurulushini maqullidi


2006-09-27
Share

Xitay hökümiti türkmenistandin néfit gazi import qilish üchün mexsus gaz yötkesh turuba qurulushi pilanini maqullidi. Eger bu gaz turuba qurulushi tamamlansa yiligha 30 milyard kup métir néfit gazi ottura asiyadin xitayning gu'angju iqtisadiy rayonigha éqip kélidu.

Mezkur gaz turuba qurulushigha munasiwetlik bir kishining ashkarilishiche, türkmenistandin xitaygha mezkur gaz turuba arqiliq éqip kélidighan teb'iy gaz miqdari, gherbning gazini sherqqe yötkesh turuba qurulushi arqiliq Uyghur élidin shangxeyge éqiwatqan teb'iy gaz miqdarini nechche hesse qatlaydiken. Xitay bu yil aprilda türkmenistan bilen néfit gazi import qilish toxtamini tüzgen. Emma toxtam sommisini ashkarilimighan idi. Türkmenistan bilen gaz turuba qurulushigha xitay nechche on milyard dollar meblegh salghan.

Xitay nöwette rosiye bilen sibiriye rayonidin xitayning shimaligha gaz turuba qurulushi ornitish üstide söhbetleshmekte. Xitay hökümiti énérgiye jehette rosiye bilen hemkarliqni yenimu kücheytish üchün öktebirde mexsus söhbet ömiki ewetmekchi. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet