Xitayda yaponiyige qarshi namayishlar ulghaydi


2005.04.04
Share on WhatsApp
Share on WhatsApp

Xitayda ötken heptidin buyan bashlan'ghan yaponiyige qarshi namayishlar barghanséri küchiyip, namayishchilar hetta u yerdiki yaponiye shirketlirini buzup-chéqishqa bashlighandin kéyin, yaponiye bash ministiri düshenbe küni xitay hökümitidin resmiy yosunda xitaydiki yaponiye shirketlirining bixeterlikini saqlashni telep qildi.

Bash ministir junichiru koyzumi sözide, "men xitay hökümitining, xitayda soda qiliwatqan yaponiye shirketliri we puqralirining bixeterlikige we erkin soda élip bérishigha kapaletlik qilishini ümid qilimen" dégen.

Yekshenbe küni xitayning shénjén shehiridiki 3 minggha yéqin xitay pa'aliyetchisi, yaponiye hökümitining birleshken döletler teshkilati bixeterlik kéngishide menggülük hey'et ezasi bolushni telep qilishigha qarshiliq bildürüp namayish ötküzgen. Hetta namayish axiri zorawanliq tüsini élip, namayishchilar u yerdiki yaponiye soda sariyigha hujum qilghan.

Buningdin sirt yene, chéngdu shehiridimu nechche onlighan kishi namayish ötküzüp, "ito-yakado soda sariyi" ning dérizilirini chaqqan hemde "yaponiye mallirini sétiwalmayli" dep towlashqan.

Birleshken döletler teshkilatining bixeterlik kéngishidiki besh menggülük hey'etning biri xitay bolup, xitay hökümiti riqabetchisi yaponiyining menggülük orun'gha érishishini hergiz xalimaydu. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.