Хитай рәһбәрлири келәр йили японийини зиярәт қилиши мумкин

Хитай дөләт министири таң җавшүән дүшәнбә күни хитайни зиярәт қиливатқан японийә парламент әзаси койчи като билән сөһбәтләшкәндин кейин бәргән баянатида, хитай рәһбәрлириниң 2007‏- йили японийини зиярәт қилиш тәклипини асасән қобул қилғанлиқини билдүрди.

Таң җавшүән "хитай вә японийә бу зиярәттин икки дөләт оттурисидики мунасивәтләрни тәрәққи қилдуруш үчүн һәр қайси саһәләрдә һәмкарлиқни қайтидин җари қилдуруш үчүн пайдилиниши керәк, деди.

японийә баш министири шинзу аби японийә билән хитай оттурисидики мунасивәтләрни яхшилаш үчүн өктәбир ейида хитайни зиярәт қилди. Бу өткән бәш йил ичидә бир японийә баш министириниң хитайни тунҗи зиярәт қилиши болуп һесаблиниду. Шинзу абиниң зиярити җәрянида икки дөләт рәһбәрлири тәрипидин елан қилинған баянатта, японийиниң хитай рәһбәрлирини японийигә тәклип қилғанлиқи билдүрүлгән иди.

Бу арида, японийә келәр һәптә хитай билән бирликтә тунҗи қетим тарихи мәсилиләрни тәкшүрүп күздин көчүридиғанлиқини билдүрүп, икки дөләт оттурисида йирикләшкән мунасивәтләрни қайтидин яхшилаш үчүн, һәр икки тәрәпни очуқ пикирлик болушқа чақирди.(Қанат)