Xitay rehberliri kéler yili yaponiyini ziyaret qilishi mumkin

Xitay dölet ministiri tang jawshüen düshenbe küni xitayni ziyaret qiliwatqan yaponiye parlamént ezasi koychi kato bilen söhbetleshkendin kéyin bergen bayanatida, xitay rehberlirining 2007‏- yili yaponiyini ziyaret qilish teklipini asasen qobul qilghanliqini bildürdi.

Tang jawshüen "xitay we yaponiye bu ziyarettin ikki dölet otturisidiki munasiwetlerni tereqqi qildurush üchün her qaysi sahelerde hemkarliqni qaytidin jari qildurush üchün paydilinishi kérek, dédi.

Yaponiye bash ministiri shinzu abi yaponiye bilen xitay otturisidiki munasiwetlerni yaxshilash üchün öktebir éyida xitayni ziyaret qildi. Bu ötken besh yil ichide bir yaponiye bash ministirining xitayni tunji ziyaret qilishi bolup hésablinidu. Shinzu abining ziyariti jeryanida ikki dölet rehberliri teripidin élan qilin'ghan bayanatta, yaponiyining xitay rehberlirini yaponiyige teklip qilghanliqi bildürülgen idi.

Bu arida, yaponiye kéler hepte xitay bilen birlikte tunji qétim tarixi mesililerni tekshürüp küzdin köchüridighanliqini bildürüp, ikki dölet otturisida yirikleshken munasiwetlerni qaytidin yaxshilash üchün, her ikki terepni ochuq pikirlik bolushqa chaqirdi.(Qanat)