Хитайда мухбирларниң риаллиқни әкс әттүрүш һоқуқи тосқунлуққа учримақта


2007-10-18
Share

Хитай һөкүмити хәлқарадики әң чоң телевизийә қанал тори һесабланған You Tube торини тақивәтти. Нөвәттә муштирилар гугул вә яху тор бәтлирини вастә қилиш арқилиқму мәзкүр тор қанилиға кирәлмәйдикән.

Бу арида чәтәл хәвәр вастилири, хитайниң хәлқара мәтбуатларни қамал қилиш билән биргә, хитай ичидики мухбирларға қаратқан контроллуқини қаттиқ күчәйтиватқанлиқини билдүрмәктә.

Хоңкоңниң нәнхуа әттигәнлик гезити, " җуңгу иқтисад вақти гезити" ниң бир мухбириниң, хитайниң төмүр йол сәтчиликини ашкарилиғанлиқтин йеқинда хитай мәркизи тәшвиқат министирлиқи тәрипидин җазаланғанлиқини ашкарилиди.

Нәнхуа гезитиниң билдүрүшичә, мәзкүр мухбир мақалисидә сахта қурулуш материяллириниң, хитайниң алий дәриҗилик тез сүрәтлик төмүр йол қурулушиға ишлитилгәнликини елан қилған болуп, мәркизи тәшвиқат министирлиқи билән мәмликәтлик мухбирлар бирләшмиси бирләшмә уқтуруш чиқирип, мәзкүр мақалини ашкара тәнқидлигән һәмдә буйруқ чүшүрүп, гезит мәсули вә мухбирни қаттиқ җазалашни шуниңдәк төмүр йол идариси вә қурулуш материялири ширкитидин әпу соришини тәләп қилған.

Мәркизи тәшвиқат министирлиқи, елан қилинған мақалиниң ву гуаң төмүр йол қурулуш түриниң дөләт ичи вә сиртидики образиға сәлбий тәсир йәткүзгәнликини һәмдә дөләткә зор көләмдә иқтисадий зиян кәлтүргәнликини тәкитлигән. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт