Xitayda muxbirlarning ri'alliqni eks ettürüsh hoquqi tosqunluqqa uchrimaqta


2007-10-18
Share

Xitay hökümiti xelq'aradiki eng chong téléwiziye qanal tori hésablan'ghan You Tube torini taqiwetti. Nöwette mushtirilar gugul we yaxu tor betlirini waste qilish arqiliqmu mezkür tor qaniligha kirelmeydiken.

Bu arida chet'el xewer wastiliri, xitayning xelq'ara metbu'atlarni qamal qilish bilen birge, xitay ichidiki muxbirlargha qaratqan kontrolluqini qattiq kücheytiwatqanliqini bildürmekte.

Xongkongning nenxu'a ettigenlik géziti, " junggu iqtisad waqti géziti" ning bir muxbirining, xitayning tömür yol setchilikini ashkarilighanliqtin yéqinda xitay merkizi teshwiqat ministirliqi teripidin jazalan'ghanliqini ashkarilidi.

Nenxu'a gézitining bildürüshiche, mezkür muxbir maqaliside saxta qurulush matériyallirining, xitayning aliy derijilik téz sür'etlik tömür yol qurulushigha ishlitilgenlikini élan qilghan bolup, merkizi teshwiqat ministirliqi bilen memliketlik muxbirlar birleshmisi birleshme uqturush chiqirip, mezkür maqalini ashkara tenqidligen hemde buyruq chüshürüp, gézit mes'uli we muxbirni qattiq jazalashni shuningdek tömür yol idarisi we qurulush matériyaliri shirkitidin epu sorishini telep qilghan.

Merkizi teshwiqat ministirliqi, élan qilin'ghan maqalining wu gu'ang tömür yol qurulush türining dölet ichi we sirtidiki obrazigha selbiy tesir yetküzgenlikini hemde döletke zor kölemde iqtisadiy ziyan keltürgenlikini tekitligen. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet