Хитайда йеңидин ечилған чирикликкә қарши туруш тор бети гә кириш қийин


2007.12.19

Хитайда йеңидин бир 'чирикликкә қарши туруш тор бети' ечилған болуп, торға кирип мәсилә паш қилидиған, баһа язидиған адәм көп болғанлиқтин, бу тор бети бир күн өтмәйла тиқилип, һечким торға кирәлмәйдиған болуп қалған.

Бирләшмә агентлиқиниң бейҗиңдин баян қилишичә, 'чирикликкә қарши туруш тор бети'ниң қурулғанлиқини мәмликәтлик чирикликтин сақлиниш идариси дегән орган 12 ‏- айниң 18 ‏- күни елан қилған болуп, бу тор бетидә хәлқниң әрз-шикайәт қилиши рухсәт қилинған иди.

Хәвәрдә баян қилинишичә, 12 ‏- айниң 19 ‏- күни таң етип болғучә, бу тор бетигә 250 парчә обзор чапланған. Униңда асасән коммунист партийиниң 'хиянәтчиликкә қарши туруш' дегән шоариниң ялғанлиқи, әмәлийәттә мушу шуардин кейин коммунист әмәлдарлириниң хиянәтчилик һәрикәтлири барғансери әвҗ елип кетиватқанлиқи, деһқанларниң болса намратлишип маарипсиз қеливатқанлиқи қатарлиқ мәзмунлар баян қилинған. Һазир бу тор бети киридиған адәмниң көпликидин тиқилип қалмақта. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.