Xitayda ötken yili 50 ming adem yéngidin eydiz bilen yuqumlan'ghan


2008-03-28
Share

Xitay qizil kirist jem'iyiti eydizning aldini élish programmisini memliket miqyasidiki 31 ölkigiche kéngeytish herikitini bashlighan bolup, melum bolushiche, bu programma 2010 yilighiche, xitayning her bir sheherlirige qeder omumliship bolidiken.

Fransiye agéntliqida körsitilishiche,, hazir mezkur organ öz programmisi arqiliq eydizning aldini élish üchün saghlamliq terbiyisi élip bérish, burun eydiz wirusi bilen yuqumlan'ghanlargha qarita dawalash ishlirini kücheytish hemde eydiz bimarlirigha bolghan kemsitish qilmishlirini kémeytishke alaqidar terbiye xizmetlirining da'irisini kéngeytmekchi iken.

Melum bolushiche, hazir xitayda texminen 700 ming neper eydiz bimari bar bolup, fransiye agéntliqida xitay qizil kirist jem'iyitining bayanatidin neqil élip körsitishiche, peqet ötken yilila texminen 50 ming adem yéngidin eydiz bilen yuqumlan'ghan.

Xewerde bildürülüshiche, belkim xitaydiki eydiz bimarlirining sani hazirqi sandin xélila yuqiri bolushi mumkin iken.

Eydiz mesilisi Uyghur ilidiki eng éghir ijtima'iy mesililerning biri bolup, xewerlerdin melum bolushiche, 2006 - yilida Uyghur élide yéngidin 6ming adem eydiz wirusi bilen yuqumlan'ghan bolup, bularning köpinchisi qalaymiqan jinsiy munasiwet qilish we zeher chékish yolliri bilen yuqumlan'ghan iken.

Gerche xitay hökümiti öz jem'iyitige tehdit sélip turuwatqan eydiz mesilisige taqabil turush üchün bir qatar heriketlerni élip bériwatqanliqini körsitiwatqan bolsimu, emma xitaydiki eydiz pa'aliyetchisi xu jya ötken yili 27 - dékabr qolgha élinip bu yil martta "aghdurmichiliq" jinayiti bilen eyiblinip jazagha tartilghan idi. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet