Xitayning enxuy ölkiside herbiy akadémiye oqughuchiliri isyan köterdi
2007.11.30
Xitayning enxuy ölkisi xéféy shehiridiki azatliq armiye topchi qisimlar akadémiyiside topilang yüz bérip, oqughuchilar bilen da'iriler otturisida toqunush kélip chiqqan hemde oqughuchilar, akadémiyining oqutush eslihelirini, ishik -dérize we partilarni urup chaqqan. Xewerlerde eskertishiche, toqunush jeryanida qan tökülüsh weqesi yüz bergen bolushi mumkin.
Radi'omizning igilishiche, topilangning yüz bérishige topchi qisimlar akadémiyisining 4 - yilliqidiki oqughuchilar mektep déplomining étirap qilinmaydighanliqigha narazi bolup namayish qilsa, da'irilerning tehditige uchrighanliqi sewebchi bolghan. Lékin xéféy sheherlik j x idarisi we akadémiye da'iriliri bundaq bir ishtin xewersiz ikenlikini bildürgen.
Birleshme axbarat agéntliqining eskertishiche, weziyet peyshenbe küni asasen pesiyip, oqughuchilar jüme küni oqush bashlighan. Xéféy azatliq armiye topchi qisimlar akadémiyiside yüz bergen weqe, xitay herbiy- edliye séstimisida yéqinqi 3 aydin béri yüz bergen tunji weqe emes. Buningdin burun téxi yéqindila Uyghur aptonom rayonining merkizi ürümchide shinjang edliye - saqchi mektipidiki Uyghur oqughuchilar bilen xitay oqughuchilar arisida toqunush yüz bérip, qoralliq saqchilarning arilishishini keltürüp chiqarghan idi.
Radi'omizning igilishiche, weqeni qozghighanlar oqush pulini özi kötüridighan " wakaliten terbiyilesh sinipining oqughuchiliri" iken. (Erkin)
Munasiwetlik maqalilar
- Xitay bixeterlik tarmaqliri béyjing olimpik yighinida namayish élip barghanlar qattiq jazalinidighanliqini bildürdi
- Tyen'enmén namayishida türmige tashlan'ghan li wéyxung qoyuwétildi
- Xongkongliqlar omumiy saylam ötküzüsh namayishi élip bardi
- Gu'angshi yangshu nahiyisidiki amma hökümet we saqchilar bilen toqunushti
- Sendungda tungganlar bilen xitaylar arisida toqunush yüz bérip bir adem öldi
- Tyen'enmin oqughuchilar herikitige qatnashqan 100 neper etrapida siyasiy pa'aliyetchi téxiche türmide
- Xitayda naraziliq heriketliri izchil türde yüz bermekte
- Xitay hökümiti tyen'enmin weqesidiki namayishchini 18 yildin kéyin qoyup berdi
- Xu jintaw 1 - iyul küni xongkongda namayish bashlinishtin burun béyjinggha qaytidiken
- Jéjyang ölkiside öyidin köchüshke mejburlash sewebidin toqunush yüz berdi