Xitay saqchiliri namayishchilargha yash aqturush bombisi atti
2007.12.21
20- Dékabir peyshenbe küni jenubi xitayda xitay saqchiliri, yerlik hökümetning özlirining tirikchilik qilidighan yerlirini adaletsizlik bilen igiliwalghanliqigha qarshi namayish élip bériwatqan mingdek namayishchigha yash aqturush bombisi étip ularni tarqaqlashturdi.
Melum bolushiche, namayish gu'angdung ölkisining dungju yézisida 20 - dékabir kechqurun sa'et 4lerde élip bérilghan bolup, neq meydan'gha yüzligen déhqanlar yighilghan.
Radi'omiz igiligen melumatlargha qarighanda, toluq qorallan'ghan mingdin artuq qoralliq saqchi qisim eskerliri we namayishini basturush etriti ezaliri dungju yézigha kirgen we kirish éghizni qamal qilip, namayishchi ammining mezkur yézidiki xeywen éléktir istansisi we tok teqsimlesh munarisi ish meydanigha qarap sürülüshini tosighan. Özini ashkarilashni xalimighan bir kishi saqchilarning namayishchilargha yash aqturush bombisi atqanliqini bildürgen.
Netijide hökümet terepning küch körsitip qattiq basturushi arqisida, namayish bésiqturulup tok teqsimlesh munari qurulushi dawamlashturulghan.
Ikki yil ilgiri dungjuda hökümet éléktir istansisi qurulushi élip bérish üchün déhqanlarning yerlirini mejburiy halda tartiwalghandin kéyin déhqanlar qarshiliq bildürüp namayish qilghanda saqchilar namayishchilargha oq chiqirip 3 ademni öltürgen idi.
Yéqinqi yillardin buyan, xitayda yerlerning qalaymiqan igiliwélinishini seweblik déhqanlar bilen saqchilar arisida her xil shekildiki toqunushlar yüz bérip kéliwatqan bolup bu nöwettikisimu shu xilidiki naraziliq namayishining bir qismi hésablinidu. (Jüme)
Munasiwetlik maqalilar
- Xitayda hökümetke qarshi naraziliq heriketliri izchil türde yüz bermekte
- Michüende hökümet déhqanlarning yerlirini töwen bahada sétiwélip shirketlerge qimmet bahada satqan
- Xitay hökümiti sana'et üchün ishlitilgen déhqanchiliq yerlirige qoyulidighan yer béjini östürmekchi
- Kishilik hoquq teshkilati: xitay mektepliride ösmürlerni emgekke élish ishliri mewjut
- Xitay "qanun teshwiqat küni" harpisida namayishchilarning naraziliqigha duch keldi
- Xitayning enxuy ölkiside herbiy akadémiye oqughuchiliri isyan köterdi
- Xitay bixeterlik tarmaqliri béyjing olimpik yighinida namayish élip barghanlar qattiq jazalinidighanliqini bildürdi
- Tyen'enmén namayishida türmige tashlan'ghan li wéyxung qoyuwétildi
- Xongkongliqlar omumiy saylam ötküzüsh namayishi élip bardi
Köp körülgen xewerler
RFA
- Shinjang hökümiti yéqinda tembur chalghan Uyghur qizning widiyosini tartqan xitay sen'etkarni jazalighan
- Xitay hökümiti Uyghur sen'etkarlarni yawropada oyun qoyghuzup Uyghur irqiy qirghinchiliqini yuyushqa urun'ghan dep eyiblenmekte
- Xitayning yuqiri derijilik emeldari Uyghur rayonida xitay tilini kéngeytish we térrorizmgha qarshi turushqa chaqiriq qildi
- Amérika hökümiti ekper es'etning tutqun qilin'ghanliqining 9-yilliqida uning qoyup bérilishini telep qildi
- Xitay hökümiti taylandning yéngi yilini tebriklesh teshwiqat filimida Uyghurdin paydilan'ghan