Хитайда һөкүмәткә қарши наразилиқ һәрикәтлири изчил түрдә йүз бәрмәктә


2007-12-20
Share

Хитайниң бир қанчә җайлирида һөкүмәтниң сияситигә наразилиқ билдүрүш һәрикәтлири арқа ‏- арқидин йүз бәргән болуп, нөвәттә сақчилар наразилиқ билдүргүчиләрни бастуруш һәрикәтлири елип бармақта.

Истансимизниң игилишичә, 19 ‏- декабир күни шаңхәй шәһәрлик һөкүмитиниң йиллиқ хизмәтлирини хуласилаш йиғини өткүзүлүватқан пәйттә 200 дин артуқ адәм йиғин зали алдида һөкүмәткә қарши намайиш өткүзгән, гәрчә намайиш тинчлиқ йосунда елип берилған болсиму, сақчилар һазирға қәдәр 100 дин артуқ намайишчини мәхпий түрмигә ташлиған.

20 ‏- Декабир күни йәнә, ху бей өлкисиниң 20 нәччә наһийисидики хәлқ оқутқучилири, ху бей өлкилик әрзийәт ишханисиға берип, пенсийә мәсилиси тоғрисидики шикайитини сунуш билән биргә, алдинқи ай охшаш мәсилә түпәйли қолға елинған бир оқутқучини қоюп беришни тәләп қилған. Оқутқучилар буниңдин бир қанчә вақит илгири һөкүмәткә пенсийә маашини юқири көтүрүш һәққидә көп қетим илтимас сунған болсиму, әмма уларниң илтимасиға һечким қулақ салмиған.

Оқутқучилар вәкили истансимизға, өзлириниң йәнә бир қетим коллектип бир чоң һәрикәт қозғайдиғанлиқини билдүргән. Әмма, көзәткүчиләр һөкүмәтниң оқутқучилар мәсилисини бир тәрәп қилиш әмәс бәлки уларни һөкүмәткә қарши һәрикәт қозғиған топилаңчилар қатарида муамилә қилип, түрмигә ташлап җазалишидин әндишә қилмақта. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт