Xitayda hökümetke qarshi naraziliq heriketliri izchil türde yüz bermekte

Xitayning bir qanche jaylirida hökümetning siyasitige naraziliq bildürüsh heriketliri arqa ‏- arqidin yüz bergen bolup, nöwette saqchilar naraziliq bildürgüchilerni basturush heriketliri élip barmaqta.

Istansimizning igilishiche, 19 ‏- dékabir küni shangxey sheherlik hökümitining yilliq xizmetlirini xulasilash yighini ötküzülüwatqan peytte 200 din artuq adem yighin zali aldida hökümetke qarshi namayish ötküzgen, gerche namayish tinchliq yosunda élip bérilghan bolsimu, saqchilar hazirgha qeder 100 din artuq namayishchini mexpiy türmige tashlighan.

20 ‏- Dékabir küni yene, xu béy ölkisining 20 nechche nahiyisidiki xelq oqutquchiliri, xu béy ölkilik erziyet ishxanisigha bérip, pénsiye mesilisi toghrisidiki shikayitini sunush bilen birge, aldinqi ay oxshash mesile tüpeyli qolgha élin'ghan bir oqutquchini qoyup bérishni telep qilghan. Oqutquchilar buningdin bir qanche waqit ilgiri hökümetke pénsiye ma'ashini yuqiri kötürüsh heqqide köp qétim iltimas sun'ghan bolsimu, emma ularning iltimasigha héchkim qulaq salmighan.

Oqutquchilar wekili istansimizgha, özlirining yene bir qétim kolléktip bir chong heriket qozghaydighanliqini bildürgen. Emma, közetküchiler hökümetning oqutquchilar mesilisini bir terep qilish emes belki ularni hökümetke qarshi heriket qozghighan topilangchilar qatarida mu'amile qilip, türmige tashlap jazalishidin endishe qilmaqta. (Eqide)