Béyjing da'iriliri, xitay ziyalilirining yighilishigha ruxset bermidi

2007-12-22
Élxet
Pikir
Share
Print

Xitay da'iriliri, démokratik köz qarashtiki xitay yazghuchilirining, musteqil xitay qelemkeshler jem'iyiti teripidin uyushturulghan bir yighilishqa qatnishishigha ruxset bermigen.

Xitay qelemkeshler jem'iyitining re'isi lyu shiyawboning bildürüshiche, xitay saqchiliri, yéngi yil munasiwiti bilen uyushturulghan axsham ziyapitige qatnishishni pilanlighan 20 etrapida xitay yazghuchisining yighilishqa qatnishishni tosash üchün, türlük tedbirler alghan bolup, ularning bezilirini nezerbent qilghan bezilirini bolsa, yighilishqa qatnashmasliq toghrisida agahlandurghan.

Xitay qelemkeshler jem'iyitining tor bétide bu mesile toghrisida élan qilin'ghan bayanatta körsitilishiche, ziyapitige qatnishishni pilanlighan yazghuchilarning béri bolghan, shangxeylik yazghuchi we siyasiy pa'aliyetchi, li jenxong, charshenbe künidin béri bir méhmanxanida tutup turulmaqta iken.

Lyu shiyawbo ning éytishiche, yighilishqa jem'iy 50 xitay ziyalisi qatnishishni pilanlighan iken. Fransiye agéntliqining xewer qilishiche, xitay saqchi da'iriliri jüme küni, lyu shiyawbogha, yighilishni bikar qilish toghrisida buyruq chüshürgen. Lyu xitay saqchilirining bu herikitining qanunlargha xilap ikenlikini tekitlep, uni kishilik hoquqning ochuq-ashkara depsende qilin'ghanliqining ispati dep, körsetti. Liyuning bildürüshiche, xitay da'irilirining béyjing olimpik tenheriket yighini harpisida, musteqil pikir qilidighan xitay ziyaliy we yazghuchilirining yighilishini chekligenliki, béyjing hökümitining, xitaydiki siyasiy öktichilerge qaratqan basturushni izchil dawamlashturudighanliqining bir béshariti hésablinidiken. (Ömer qanat)

Pikirler (0)
Share
Toluq bet