Хитайда наразилиқ һәрикәтлири күндин - күнгә күчәймәктә

2007-12-27
Елхәт
Пикир
Share
Принт

Хитайда йүз бериватқан наразилиқ һәрикәтлири изчил давамлашмақта . 4 ‏- Июл тор бетиниң ашкарилишичә , 26 ‏- декабир күни хитайниң чеңду вә чуңчиң районлирида иш ташлаш вә намайиш өткүзүш һәрикәтлири йүз бәргән болуп, чеңду айрупилан гуруһиға қарашлиқ 132 ‏- завутиниң пинсийигә чиққан 1000 дин артуқ ишчиси " монопол қилинған иш һәққимизни қайтуруп бериңлар," 17 ‏- қурултайдики әһдинамилар бойичә иш көрүңлар , "завут рәһбәрлики истипа бәрсун " дегән шуарларни товлап, йеңидин тәйинләнгән завут рәһбәрлириниң дәм елишқа чиққан ишчиларниң һәр айда бәһримән болушқа тегишлик 240 йүән пулини қисқартивәткәнликигә наразилиқ билдүргән.

Йәнә шу күни чуңчиңниң банән районидики 2000 дин артуқ оқутқучи дәрс ташлиған . Хәвәрләргә қариғанда, оқутқучилар, һөкүмәтниң ишчи - хизмәтчиләрниң маашиға йеңидин толуқлима қошуп бериш сияситигә оқутқучиларни киргүзмигәнликидин нарази болуп, бир қанчә күндин буян иш ташлиған икән.

Хитайда пуқраларниң өз һоқуқини һимайә қилиш еңи алаһидә дәриҗидә юқири көтүрүлмәктә. Муһаҗирәттики уйғур сиясий паалийәтчилириниң билдүрүшичә, һәрқайси саһәләр буйичә иш һәққи, давалиниш һәққи, пинсийә мааши қатарлиқ җәһәтләрдә хитай өлкилиридикигә қариғанда пәрқ наһайити чоң болған уйғур елидә , хәлқниң һөкүмәткә наразилиқ билдүрүп тегишлик һоқуқи үстидә дава қилиш җасарити интайин аҗиз һесаблинидикән. (Әқидә)

Пикирләр (0)
Share
Толуқ бәт