Xitayda yüz bériwatqan naraziliq heriketliri izchil dawamlashmaqta . 4 - Iyul tor bétining ashkarilishiche , 26 - dékabir küni xitayning chéngdu we chungching rayonlirida ish tashlash we namayish ötküzüsh heriketliri yüz bergen bolup, chéngdu ayrupilan guruhigha qarashliq 132 - zawutining pinsiyige chiqqan 1000 din artuq ishchisi " monopol qilin'ghan ish heqqimizni qayturup béringlar," 17 - qurultaydiki ehdinamilar boyiche ish körünglar , "zawut rehberliki istipa bersun " dégen shu'arlarni towlap, yéngidin teyinlen'gen zawut rehberlirining dem élishqa chiqqan ishchilarning her ayda behrimen bolushqa tégishlik 240 yüen pulini qisqartiwetkenlikige naraziliq bildürgen.
Yene shu küni chungchingning banen rayonidiki 2000 din artuq oqutquchi ders tashlighan . Xewerlerge qarighanda, oqutquchilar, hökümetning ishchi - xizmetchilerning ma'ashigha yéngidin toluqlima qoshup bérish siyasitige oqutquchilarni kirgüzmigenlikidin narazi bolup, bir qanche kündin buyan ish tashlighan iken.
Xitayda puqralarning öz hoquqini himaye qilish éngi alahide derijide yuqiri kötürülmekte. Muhajirettiki Uyghur siyasiy pa'aliyetchilirining bildürüshiche, herqaysi saheler buyiche ish heqqi, dawalinish heqqi, pinsiye ma'ashi qatarliq jehetlerde xitay ölkiliridikige qarighanda perq nahayiti chong bolghan Uyghur élide , xelqning hökümetke naraziliq bildürüp tégishlik hoquqi üstide dawa qilish jasariti intayin ajiz hésablinidiken. (Eqide)
