Шәрқи хитайда 200 миң адәмниң ичимлик сүйи 40 саәткичә үзүлүп қалған


2007.07.04
Share on WhatsApp
Share on WhatsApp

Шәрқи хитайда, йәр асти су мәнбәси булғиниш сәвәблик 200 миң адәмниң ичимлик сүйи 40 саәткичә үзүлүп қалған болуп, мәлум болушичә, бир химийә ширкити булғинишни кәлтүрүп чиқарди дәп әйибләнгән.

Хитай мәтбуатлириниң мәлуматиға қариғанда, җяңсу өлкисиниң шуяң шәһиридә дүшәнбә күнидин чаршәнбә күнигичә су ләшлири тарқилип кетиш сәвәблик туруба сүйи етивитилгән вә вуши шәһиридиму 5 милйон адәмниң ичимлик суйи тохтитиветилгән.

Хитай сода хәвәрлири гезитидә ашкарилишичә, мәзкур җайларниң ичимлик су мәнбийи болған шинйи дәрясиниң сүйи тәркибидә ғәйри пурақ , амияк гази вә нитроген газиниң тәркиби дөләт бәлгилигән өлчәмдин ешип кәткән икән.

Бирләшмә агентлиқиниң 4 -июлдики мәлуматиға қариғанда, һазирға кәлгүчә булғинишниң һәқиқий мәнбийи тепилмиған болсиму, әмма, шуяң шәһири муһит қоғдаш идарисиниң башлиқи ху давлән, шинйи дәрясиниң юқири еқимиға җайлашқан бир химийә завутини булғинишни кәлтүрүп чиқарди, дәп әйиблигән.

Җяңсу өлкиси хитай химийә санаитиниң мәркизи болуп, һөкөмәт даирилири бу өлкигә җайлашқан химийә завутлирини, районниң дәря, көл вә қаналлирини зәһәрлик химийивий маддилири билән еғир дәриҗидә булғиди дәп әйибләнмәктә.

5-Айда җяңсу өлкиси вуши шәһиригә йеқин җайлашқан тәйху көли вә алдинқи айдики чавху көли қатарлиқлардики су ләшлириниң көпийип кетиш һадисилирини, химийивий юндилар кәлтүрүп чиқарди дәп әйиблигән иди. (Җүмә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.