Jéngjo shehiride aliy mektep oqughuchiliri bilen saqchilar arisida toqunush yüz berdi


2007.06.07

Jéngjo shehiridiki bazar bashqurush idarisi, charshenbe küni 1000 din artuq kishining qorshawi astida qaldi.

Istansimizning igilishiche, xénen ölkisi jéngjo shehirining bazar bashqurush xadimliri, xénen maliye institutining aldida yaymichiliq qilghan bir qiz oqughuchini qattiq urup, uning udul chishini töküwetken, ehwalni saqchigha melum qilghan qiz oqughuchi saqchilar teripidin kishenlinip élip kétilgen we eksiche uni urup yarilandurghuchining jawabkarliqi sürüshte qilinmighan. Weqeni öz közi bilen körgen amma shuningdek maliye institutidiki nechche yüzligen oqughuchi buningdin qattiq narazi bolup, bazar bashqurush idarisi aldida naraziliq bildürgen.

Xénen maliye institutining oqughuchiliri bazar bashqurush idarisining mashinilirigha ot qoyuwetken hemde saqchilar bilen toqunushqan. Bu arida xitay metbu'atliri peyshenbe küni weqening bésiqturulghanliqini, bazar bashqurush idarisining mes'ulliri bolup 11 kishining jazagha tartilghanliqini, buningdin sirt 5 neper amanliq saqlash xadimining qolgha élin'ghanliqini xewer qildi.

Xitay adwokatlirining bildürüshiche, mezkur weqe bazar bashqurush xadimliri we saqchilarning zorawanliq bilen qanun ijra qilish qilmishidin meydan'gha kelgen bolup, bu, xitaydiki qanun ijra qilghuchilarning süpitining nacharliqidin dérek béridiken.(Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.