Хиянәтчилик билән әйибләнгән бейҗиңниң муавин шәһәр башлиқи уйғур елигә әвәтилди


2006.08.02
Share on WhatsApp
Share on WhatsApp

Хиянәтчилик билән әйиблинип вәзиписидин елип ташланған бейҗиңниң сабиқ муавин шәһәр башлиқи лю җихуа билән бейҗиң олимпик қурулуш программисиниң муавин қомандани җиң йән айрип тәкшүрүлүш үчүн уйғур елигә әвәтилди. Мәркизи интизам комитети бу икки әмәлдарни уйғур елигә әвәтиш арқилиқ улар үстидин йепиқ тәкшүрүш елип баридикән.

"Шиңдав күндилик гезити" хәвиригә қариғанда, лю җихуаниң делоси бивастә мәркизи интизам комитети тәрипидин бир тәрәп қилидикән буниңға һәтта бейҗиң шәһәридики әмәлдарларму қол тиқалмайдикән. Шундақла бу икки кишиниң һазир уйғур елиниң қайси йеридә икәнликиму мәхпий тутулған.

Сабиқ бейҗиң шәһәр башлиқи лю җихуа илгири бейҗиң шәһириниң қурулуш пилан ишлири вә 2008‏- йилдики олимпик қурулуш программисиға мәсул болуп, хәвәрләргә қариғанда, чәтәл сода ширкәтлири лю җихуаниң һоқуқидин пайдилинип пара елиш вә қанунсиз һалда ширкәтләргә мәбләғ капалити бериш қатарлиқ ишлар билән шоғулланғанлиқи тоғрисида мунасивәтлик орунларға әрз қилған.

Шу сәвәбтин бейҗиң даирилири бу йил 6‏-айниң 11‏- күни уни хиянәтчилик билән әйибләп вәзиписидин елип ташлиди. Арқидин узун өтмәйла, униңға четишлиғи болған бейҗиң олимпик қурулуш программисиниң муавин қомандани җиң йәнму вәзиписидин қалдурулған. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.