Xiyanetchilik bilen eyiblen'gen béyjingning mu'awin sheher bashliqi Uyghur élige ewetildi


2006.08.02
Share on WhatsApp
Share on WhatsApp

Xiyanetchilik bilen eyiblinip wezipisidin élip tashlan'ghan béyjingning sabiq mu'awin sheher bashliqi lyu jixu'a bilen béyjing olimpik qurulush programmisining mu'awin qomandani jing yen ayrip tekshürülüsh üchün Uyghur élige ewetildi. Merkizi intizam komitéti bu ikki emeldarni Uyghur élige ewetish arqiliq ular üstidin yépiq tekshürüsh élip baridiken.

"Shingdaw kündilik géziti" xewirige qarighanda, lyu jixu'aning délosi biwaste merkizi intizam komitéti teripidin bir terep qilidiken buninggha hetta béyjing sheheridiki emeldarlarmu qol tiqalmaydiken. Shundaqla bu ikki kishining hazir Uyghur élining qaysi yéride ikenlikimu mexpiy tutulghan.

Sabiq béyjing sheher bashliqi lyu jixu'a ilgiri béyjing shehirining qurulush pilan ishliri we 2008‏- yildiki olimpik qurulush programmisigha mes'ul bolup, xewerlerge qarighanda, chet'el soda shirketliri lyu jixu'aning hoquqidin paydilinip para élish we qanunsiz halda shirketlerge meblegh kapaliti bérish qatarliq ishlar bilen shoghullan'ghanliqi toghrisida munasiwetlik orunlargha erz qilghan.

Shu sewebtin béyjing da'iriliri bu yil 6‏-ayning 11‏- küni uni xiyanetchilik bilen eyiblep wezipisidin élip tashlidi. Arqidin uzun ötmeyla, uninggha chétishlighi bolghan béyjing olimpik qurulush programmisining mu'awin qomandani jing yenmu wezipisidin qaldurulghan. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet