Xitaydin chetke qachqan jinayetchiler 8 milyard dollargha yéqin xiyanet qildi


2006.05.23
Share on WhatsApp
Share on WhatsApp

Xitay jama'et xewpsizlik ministirliqi, iqtisadiy jinayetchilerning chet'ellerge qéchishini toxtitish üchün jiddiy tedbir alidighanliqini bildürdi. Buningdin bir kün burun xitay metbu'ati kanada hökümitining xitaydiki eng chong etkeschilik guruhining yétekchisi dep eyiblen'gen ley changshingni xitaygha qayturushi mumkinliqini xewer qilghan idi.

Seyshenbe küni xitay jama'et xewpsizlik ministirliqining xadimi gaw féng béyjingda muxbirlargha bergen bayanatida, yéqinqi yillardin buyan 800 neperdin köp iqtisadiy jinayetchining xitaydin chet'elge qéchip ketkenlikini, bularning ichide 300 din köprekining xitaygha qayturulghanliqini, bu kishiler xiyanet qilghan pul miqdarining 70 milyard yü'endin, yeni 7 milyard 7 yüz 30 milyon dollardin ashidighanliqini bildürdi.

Gawning éytishiche, iqtisadiy jinayetchilerning dölettin pul qachurushining aldini élish üchün, jama'et xewpsizlik minsitirliqi, teptish komitéti xitay xelq bankisi we baj idarisi bilen hemkarliqni kücheytken.

Ley changshing xitaydin chet'elge qéchip ketken eng ataqliq iqtisadiy jinayet gumandari hésablinidu. U néfit, mashina etkeschiliki arqiliq milyardlighan dollar pul tapqan bolup, 1999 ‏- yili ayali we üch balisi bilen birlikte kanadagha qéchip bérip, kanada hökümitidin siyasiy panahliq telep qilghan idi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.