Béyjingning mu'awin sheher bashliqi xiyanetchilik bilen eyiblendi

• 
  2006-06-11

Béyjing shehirining mu'awin sheher bashliqi lyu jixu'a yekshenbe küni xiyanetchilik bilen eyiblinip, xizmitidin élip tashlandi.

Shinxu'a agéntliqi xewiride lyu jixu'aning xiyanetchilikige a'it tepsiliy melumatlarni élan qilmighan. Emma uningda peqet béyjing sheherlik xelq qurultiyi da'imiy komitétining mu'awin sheher bashliqi lyu jixu'ani "éghir xataliq ötküzgen" dep élan qilghanliqi yézilghan.

Emma lyuning délosi munasiwetlik edliye orunliri teripidin pat arida sotlinidiken. Gerche xitay hökümiti nechche yillardin buyan chiriklikke qarshi turushni tekitlep kéliwatqan bolsimu, lékin xitayda emeldarlarning xiyanetchilik we hoquqidin qalaymiqan paydilinish ehwalliri dawamliq éghir bolmaqta.

Hökümet da'irlirining chiqarghan melumatigha asaslan'ghanda, xitayda 2005‏- yili deslepki 11 ay ichidila, hökümet emeldarliri teripidin qanunsiz ishlitilgen pulning sani 290 milyard yüen yeni 36 milyard amérika dollirigha yetken. (Peride)