Хиянәтчилик билән әйибләнгән хитай әмәлдариға 20 йиллиқ қамақ җазаси берилди


2006.07.23
Share on WhatsApp
Share on WhatsApp

Хитайниң җяңсу өлкилик қатнаш назаритиниң сабиқ башлиқи җаң җүнйүән хиянәтчилик қилғанлиқи сәвәбидин 20 йиллиқ түрмигә ташланди.

Хитайда чиқидиған "хәлқ соти гезити" ниң мәлум қилишичә, җаң җүнйүән өз һоқуқидин пайдилинип пара алған вә һөкүмәт хираҗитигә хиянәт қилған дегән җинайәт билән әйиблинип, 20 йиллиқ кесимгә һөкүм қилинған һәмдә униң 400 миң йүән қиммитидики мал-мүлки мусадирә қилинған.

Җаң җүнйүән 2000‏- йилидин 2004‏- йилиғичә болған мәзгилдә пара елиш, һоқуқидин пайдилинип машина әсваплирини сетивелиш, өзи билән һәмкарлашқан хадимларни өстүрүш вә хизмитини йөткәшкә охшаш 23 қетим қанунсиз һәрикәт елип барған һәмдә пара алған пул вә мал-мүлүк қиммити 1 милйон 180 миң йүәндин ашқан.

Хәвәрдә мәлум болушичә, у һәтта өзиниң үстидики тәкшүрүшләрни бесиқтуруш үчүн 2004‏- йили җяңсу өлкилик парткомниң даимий һәйити вә тәшкилат министирлиқиниң сабиқ министири шү гоҗйәнниң өйигә берип, униңға 2 милйон йүән пул бәргән. Җаң җүнйүән сот қараридин кейин, һөкүмгә қайил болғанлиқини билдүргән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.