Chén lyangyüning xiyanetchilik setchilikige chétishliq ikki kishining xelq qurultiyi wekilliki bikar qilindi

Xitay da'iriliri shangxey sheherlik partkom sékrétari chén lyangyüning xiyanetchilik setchilikige chétishliq ikki chong karxanichini shangxey sheherlik xelq qurultiyining wekillikidin élip tashlidi.

Shangxey sheherlik xelq qurultiyi peyshenbe küni bayanat élan qilip, shangxey éléktir gaz guruhining bash mudiri wang chingming we shangxey yéngi xu'angpu cheklik shirkitining mudiri wu minglyélarning xelq qurultiyi wekillikidin élip tashlan'ghanliqini jakarlidi.

Xitay metbu'atlirining xewer qilishiche, chén lyangyüning wezipisidin élip tashlinish weqesidin kéyin shangxey sheherlik partkomning ishxana mudiri sün luyi tekshürülüshke bashlighan. Xitay merkizi intizam tekshürüsh komitéti, kim bolushi we derijisining yuqiri - töwen bolushidin qet'iy nezer xiyanetchilikke chétilghan her qandaq kishining tekshürülidighanliqini bildürmekte.

Weqedin xewerdar kishilerning ilgiri sürüshiche, wu minglyé we wang chingminglar chén lyangyüyning shangxey ijtima'iy sughurta fondini qanunsiz ishlitish torining ichidiki kishiler iken. (Erkin)