Xongkongliqlar omumiy saylam ötküzüsh namayishi élip bardi

2007-10-07
Élxet
Pikir
Share
Print

Yekshenbe küni xongkongdiki wiktoriye meydanigha 5000din artuq amma toplinip, démokratik teshkilatlarning uyushturishida xongkongda omumiy saylam ötküzüshni telep qildi.

Namayishchilar 2012-yili xongkongda parlamént ezalirining xong kong memuriy walisini saylash hoquqini bikar qilip, pütün xongkongliqlarning saylamgha qatnishishi bilen öz walisini saylashini yolgha qoyushni telep qilishini ekis ettüridighan "sériq rengdiki yamghurluqlarni kötürüp, uningdin "2012" dégen sanaqni shekillendürgen.

En'giliye b b s agéntliqining xewer qilishiche, namayishchilar wiktoriye meydanidin yolgha chiqip, xongkong alahide rayon memuriyitining aldida toxtap, namayish élip barghan. Hetta yekshenbe küni yene béyjing peres teshkilatlarmu namayish ötküzüp, xongkong hökümitidin ma'arip, we xelq turmushini yaxshilashni telep qilghan.

Bu yil 7-ayning birinchi küni xongkongning xitay qoynigha qaytip kelgenlikining 10 yilliq munasiwiti bilen xitay re'isi xu jintaw xongkongning yéngi walisining qesem bérish murasimigha qatnashqan idi.(Ümidwar)

Pikirler (0)
Share
Toluq bet