Xongkong xelqi namayish ötküzüp, démokratiyini kücheytishni telep qildi

Xongkongdiki ikki mingdin artuq kishi yekshenbe küni kochida namayish ötküzüp, xitay hökümitidin xongkongning démokratiyisini kücheytishke we ijtima'iy barawerlikige kapaletlik qilishqa yol qoyushini telep qildi.

Amérika birleshme axbarat agéntliqining xewirige qarighanda, namayishchilar her xil lozunkilarni kötürüp, sho'arlarni towlap, 2007 - we 2008 - yilliri xongkongda biwaste saylam élip bérishni chaqirghan. Xongkong alahide memuriy rayonining bashliqi 2007 - yili, parlamént ezaliri bolsa 2008 - yili bashqidin saylinidu.

Nöwettiki xongkong parlaméntidiki 60 ezaning yérimi biwaste saylam arqiliq meydan'gha kelgen , qalghan yérimi alahide teshkilatlarning tallishi bilen saylan'ghan. Xongkong alahide memuriy rayunning bashliqi dong jyenxu'a bolsa 800 kishilik béyjingperes saylam komitétining körsitishi bilen teyinlen'gen.

Xitay hökümiti xongkongni ötküziwélishning aldida, xongkongning tüzümi we qanunini 50 yilghiche özgertmeydighanliqini, xongkonggha aliy aptonomiye béridighanliqini wede qilghan bolsimu, biraq xongkongni qayturiwalghandin kiyin, uning démokratiyilishish qedimini tézlitishini ret qilmaqta.

Amérika birleshme axbarat agéntliqining xewiride éytilishiche, nurghun xongkong ahaliliri, xitayning xongkongdiki kontrolliqining heddidin éship ketkenlikini bildürmekte. (Arzu)