Xongkongluqlar démokratiyini telep qilip namayish ötküzdi

Yekshenbe küni bir qanche ming kishi xongkong merkiziy meydanida omumiy yüzlük démokratiyini telep qilip naraziliq namayishi ötküzdi.

Xelq'araliq agéntliqlarning uchuridin melum bolushiche, namayishchilar 2012-yili omumiy yüzlük démokratiyining emelge éshishini telep qilghan bolup, chünki, bir heptidin kéyin xongkong qanun palatasi xongkong alahide memuriyitining bashliqini saylap chiqidu.

Chünki, 800 kishilik qanun palataning köpinchisi xitay kompartiyisini yaqilaydighanlar bolghanliqi üchün nöwettiki xongkong bash walisining qaytidin mezkur palataning saylimida ghelibe qilishi mumkinliqi perez qilinmaqta.

Nöwette, xongkong hökümiti béyjing pereslerning qolida bolup, xongkongdiki démokratik teshkilatlar da'im naraziliq namayishliri ötküzüp, xongkong puqralirining démokratik hoquqlirini kapaletke ige qilishni telep qilghan. Bundaq namayishlarning eng chongigha bir qétimda besh yüz ming adem qatnashqan.

Yekshenbe küni ötküzülgen xongkong memuriyet binasi aldidiki namayishqa démokratik öktichi rehbiri lyang jyajému ishtirak qilghan iken. Namayishchilar bu 800 kishining pütün xongkong xelqighe wekillik qilalamaydighanliqi, xongkongda omumiy saylam yolgha qoyulushini, xongkon xelqning özliri xalighan ademni bash waliliqqa saylap chiqishi telep qilghan.

Xongkong saylam qa'idisi boyiche 800 kishidin terkip tapqan saylam palatasi bekitilgen bolup, peqet mezkur 800 kishila xong kongning bash walisini saylaydiken. Démokratlar saylighuchilarning köpinchisining béyjingperes ademler ikenlikini tenqid qilmaqta. (Ümidwar)